A Facultade de Bioloxía busca as mellores fotografías científicas

Cartel da 18º edición do Concurso de Fotografía Científica coa fotografía gañadora da anterior edición

DUVI | A Facultade de Bioloxía arranca o mes de novembro meténdose de cheo na celebración do seu patrón, San Alberte. Entre todas as actividades que se están a organizar atópase o habitual Concurso de Fotografía Científica, que este ano alcanza a maioría de idade coa súa 18º edición. Hoxe, martes, ábrese o prazo para a entrega de imaxes, e as persoas interesadas en participar poderán facelo ata o vindeiro luns 8 de novembro ás 20.00 horas.