DUVI | Co gallo da celebración o día 11 de febreiro do Día Internacional da Muller e a Nena na Ciencia, a Facultade de Ciencias, a Escola de Enxeñaría Aeronáutica e do Espazo e a Escola Superior de Enxeñaría Informática do campus de Ourense unen cada ano as súas forzas para organizar diferentes accións destinadas a potenciar a presenza da muller na I+D+i. No marco destas iniciativas, veñen de convocar o V Concurso de Creación Artística do Día Internacional da Muller e a Nena na Ciencia, aberto á participación de alumnado de Primaria e ESO da provincia de Ourense. A data límite para presentar propostas é o 20 de xaneiro de 2021.
Convócase o V Concurso de Creación Artística do Día Internacional da Muller e a Nena na Ciencia
