DUVI | Fundamentos de Meteoroloxía en 180 Preguntas. Con este título preséntase un manual realizado por persoal docente e investigador da Universidade de Vigo que busca explicar conceptos clave neste eido de xeito breve, claro e rigoroso. O libro, editado polo Servizo de Publicacións da UVigo, “redactouse co ánimo de xerar un documento docente que encha o oco entre as obras clásicas e as obras de divulgación no ensino da meteoroloxía”.