DUVI | Investigadores da Universidade de Vigo e do Instituto de Investigación Sanitaria de Santiago de Compostela (IDIS) desenvolveron un software para estudar as enfermidades neuropsiquiátricas, como a depresión, a esquizofrenia, o párkinson ou o alzhéimer. O programa, chamado MyBrain-Seq, analiza datos epixenéticos para atopar biomarcadores psiquiátricos nas enfermidades mentais e mellorar así o tempo de diagnóstico e a súa precisión e a personalización do tratamento dos pacientes.