DUVI | Diferentes estudos teñen demostrado os beneficios do exercicio físico na sintomatoloxía asociada ao párkinson, a segunda enfermidade neurodexenerativa máis común. Partindo desta idea, o grupo de investigación HealthyFit levou a cabo nos últimos meses un estudo dirixido a coñecer tanto a viabilidade como os posibles beneficios dun programa de exercicio cun cicloergómetro intelixente, no que combinan a actividade física con tarefas de estimulación estimulación cognitiva.