DUVI | Tras un ano de parón provocado pola pandemia, neste 2021 a Semana de Cine Submarino si poderá celebrar o seu trinta aniversario. E farao coa proxección de seis documentais entre este mércores 17 e o venres 19 nos que terá especial relevancia a vida oceánica e os tesouros da península ibérica. A presentación deste evento, organizado pola Vicerreitoría de Captación de Alumnado, Estudantes e Extensión Universitaria, tivo lugar este luns na sede institucional da Universidade de Vigo no Berbés coa presenza de Natalia Caparrini, vicerreitora de Captación de Alumnado, Estudantes e Extensión Universitaria da UVigo; José Luis González, director da Semana de Cine Submarino e Paloma Vera, coordinadora adxunta da Área de Cultura de AFundación.