DUVI | Vigo converterase durante tres días no epicentro da ciencia, a transferencia e a innovación universitaria española. Do 18 ao 20 de novembro, a Universidade de Vigo acolle a XXXI edición das Jornadas de Investigación de las Universidades Españolas da Conferencia de Reitores das Universidades Españolas (CRUE), un lugar de encontro no que preto de 700 responsables da política científica e xestión de I+D+i daranse cita para intercambiar experiencias e formular novas estratexias que marquen a folla de ruta da investigación universitaria en España.
