DUVI | Investigadores das universidades de Vigo e Santiago de Compostela, no marco do proxecto de investigación Predico (Predición dinámica de escenarios de afectación por covid-19 a curto e medio prazo), lograron desenvolver un novo modelo matemático co que avaliar como manter o equilibrio entre reducir as taxas de contaxio e a necesidade de reabrir as economías. En base ao estudo da evolución da pandemia en Portugal, os científicos, xunto co equipo do proxecto homólogo que se está a desenvolver no país veciño, desenvolveron un novo modelo matemático co que levar a cabo un “control eficaz da pandemia”.
Científicos de Galicia e Portugal avalían o equilibrio entre reducir as taxas de contaxio pola covid-19 e a reapertura das economías
