DUVI |A Universidade de Vigo volve converterse esta semana en punto de encontro para especialistas internacionais en nanociencia, nanomedicina e nanoquímica. Este mediodía arrancou no edificio Miralles a 3ª edición de The Thinking Institute, unha iniciativa posta en marcha polo catedrático Luis Liz-Marzán en 2022 da man do CINBIO, o Centro de investigación en Nanomateriais e Biomedicina da Universidade de Vigo e coa que se busca converter a Vigo en sede anual dunha xuntanza internacional na que se reúnan algún dos nomes máis destacados do panorama internacional neste ámbito.