DUVI | Nacido hai catro anos na Universidad de Deusto, o programa Inspira Steam de fomento de vocacións científico-tecnolóxicas entre as nenas arrancou en Galicia da man da Universidade de Vigo no curso 2018-2019. Daquela 122 nenas de 6º de Primaria de cinco centros escolares de Vigo e comarca descubriron, a través de accións de sensibilización e orientación, as experiencias de mulleres que desenvolven a súa actividade profesional nos ámbitos da investigación, a ciencia e a tecnoloxía, co obxectivo de espertar nelas unhas vocacións, que nos últimos anos se evidenciou que estar a descender de xeito dramático. Na súa segunda edición en Galicia, o programa Inspira Steam case triplicou as cifras da primeira, estendéndose a 14 centros escolares de Vigo, Tui, Baiona, Nigrán e Caldas de Reis, contando coa participación de 236 nenas e 290 nenos e acadando a cifra de 24 mentoras para as rapazas e 21 mentores para os seus compañeiros.
Inspiración científica e tecnolóxica para preto de 250 nenas de Vigo e comarca
