DUVI | O Centro de Investigación en Tecnoloxías, Enerxías e Procesos Industriais da Universidade de Vigo, Cintecx, recibiu este mércores o certificado que acredita a implantación neste centro do Sistema de Xestión da Calidade de Aenor respecto aos requisitos da norma UNE-EN ISO 9001:2015, instrumento recoñecido internacionalmente e que permite demostrar a capacidade deste organismo para responder aos estándares internacionais de xestión da calidade elaborados pola Organización Internacional de Estandarización (ISO).