DUVI | A Facultade de Bioloxía, no marco da celebración do seu patrón, San Alberte, abre a convocatoria da décimo sétima edición do Concurso de Fotografía Científica, destinado á comunidade universitaria da Universidade de Vigo. As persoas que queiran presentar as súas propostas poderán facelo entre o 2 e o 9 de novembro e estas deberán estar relacionadas, de algún xeito, coa ciencia. Admitiranse un máximo de tres obras por autor, que deben ser inéditas, podendo ser tanto en branco e negro como en cor e empregando calquera técnica.