O grupo de innovación Biofore Plus pon de relevo o papel da biomasa na economía circular

Coucheiro, González, Ortiz, Martínez, Lema e Tolosana

DUVI | Explorar diferentes vías para dotar dun maior valor a biomasa forestal residual procedente de masas arbóreas sen valor comercial era o propósito central de Biofore Plus, un grupo de innovación que este venres presentou na Escola de Enxeñaría Forestal os resultados das investigacións desenvolvidas ao longo deste 2021. A xornada técnica Experiencias de aproveitamento de biomasa residual forestal en Galicia, na que interviñeron os diferentes socios do proxecto, serviu así mesmo para afondar no papel que este recurso pode xogar na “bioeconomía circular”, como sinalou o director da EE Forestal, Juan Picos.