DUVI | A revista internacional Nature Ecology & Evolution acaba de publicar un artigo sobre o xacemento de Simbiro III-Melka Kunture, en Etiopía, asinado por un equipo internacional no que participan os arqueólogos da Universidade de Vigo Eduardo Méndez e Andrea Serodio. Nel descríbese o ambiente neste enclave hai máis de 1,2 millóns de anos e avánzase no coñecemento da “capacidade de planificación e anticipación” do Homo erectus.