Con motivo da situación que estamos vivindo por mor da pandemia do coronavirus, a CRUE (Conferencia de Reitores de Universidades Españolas) decidiu ofrecer á poboación en xeral respostas por parte da comunidade investigadora a diferentes cuestións que aparecen ante esta situación de crise xerada polo virus COVID-19. Concretamente, animouse a varias universidades españolas a participar nun especial coronavirus do espazo “La Universidad Responde”, que cada curso se emitía dentro do programa “La aventura del saber” de La 2 de TVE.
A Universidade de Vigo colabora na iniciativa ofrecendo diferentes visións de aspectos relacionados coa crise desde o ámbito socio-económico, psicolóxico ou sociolóxico. Así, están dispoñibles as seguintes gravacións:
- COVID-19: ¿Incrementando las desigualdades económicas? Coa Catedrática de Economía Aplicada, Coral del Río
- ¿Por qué es importante incorporar la perspectiva de género en las investigaciones sobre el COVID-19? Coa profesora de Socioloxía e directora da Área de Igualdade, Águeda Gómez
- Actuaciones públicas en materia económica para combatir los efectos del COVID-19 co investigador do grupo GEN, Alberto Vaquero
- El COVID-19 y sus efectos en las familias con ruptura de pareja coa catedrática de Psicoloxía básica e psicoloxía xurídica do menor, Francisca Fariña
A través da listaxe de reproducción de UVigo TV poderedes ver non só os capítulos da Universidade de Vigo, senón tamén os do resto de universidades participantes e así entender mellor o que está sucedendo a día de hoxe nas nosas vidas e reflexionar sobre moitos dos aspectos que desde a comunidade investigadora se están estudando.