DUVI | A anguía é un peixe con alta demanda mundial que pode alcanzar elevados prezos, sobre todo na súa forma inmatura de angula. Porén, a súa poboación diminuíu na última década debido a factores como a contaminación das augas, a creación de grandes presas en ríos e a sobrepesca, implantándose medidas estatais e europeas para a súa supervivencia. Na súa tese de doutoramento, a investigadora do grupo Enxeñaría Química 4 Lucía Gómez avaliou con éxito, e desde o punto de vista alimentario, o potencial da anguía para a elaboración de conservas, buscando “obter un produto novo, de alta calidade e utilizando os exemplares de maior talla comercial e menos valorados”. O emprego destes exemplares, indica, permitiría que “un maior número de anguías chegasen a adultas, facilitando así a súa migración e reprodución”.
Un estudo amosa o potencial alimentario das conservas de anguía
