DUVI | A European Geosciences Union (EGU), organización referente na investigación nos campos das ciencias da terra, planetarias e espaciais, convocou por primeira vez este ano un programa de bolsas co obxectivo de financiar a elaboración de recursos didácticos para a docencia das xeociencias no eido universitario. Entre os 14 beneficiarios da súa primeira convocatoria está un proxecto da Universidade de Vigo liderado polo investigador do grupo Ephyslab Juan Antonio Añel e que ten como obxectivo divulgar como se realiza a medición de ozono.