A edición do pasado ano de Elas fan CienTec contou coa participación de máis de 250 alumnas de ensino secundario e bacharelato que acudiron aos laboratorios e centros da Universidade de Vigo para conmemorar o Día Internacional da Muller e a Nena na Ciencia. As científicas e enxeñeiras da UVigo puxéronse mans á obra para transmitirlle a estas mozas a súa paixón pola ciencia e a tecnoloxía, coa ilusión de ir espertando nelas o desexo de dedicarse a algunha destas tarefas no futuro. Neste vídeo mostrámosvos un resumo do que fixeron estas nenas nas diferentes actividades para animar a máis centros educativos a formar parte da iniciativa.