DUVI | Seis investigadoras afondando en seis retos de especial relevancia para o futuro dos océanos, do planeta e da humanidade. Ese é o eixo central da miniserie documental Desafíos do océano: científicas ao mando, un proxecto posto en marcha pola Universidade de Vigo a través do Campus do Mar coa colaboración da Fundación Española para la Ciencia y la Tecnología – Ministerio de Ciencia e Innovación, FECYT, que achega un orzamento de 18.000 euros.