DUVI | A partir da vindeira semana, a Facultade de Comercio acollerá un ciclo de relatorios sobre o decrecemento. Organizado polo Ateneo Atlántico de Vigo, xunto coa Universidade de Vigo e a Rede para o Decrecemento Eo-Navia, Galiza, O Bierzo, o obxectivo será reflexionar arredor do crecemento desmesurado da economía e a necesidade de entrar nun período de decrecemento.
A universidade olívica participa neste programa a través do Post-Growth Innovation Lab e do centro de investigación Ecobas, sendo o investigador Mario Pansera un dos seus coordinadores, xunto con Remedios Copa, vicepresidenta da Rede para o Decrecemento Eo-Navia, Galiza, O Bierzo e membro da directiva do Ateneo Atlántico de Vigo.