DUVI | Un verán máis o Grupo de Estudos de Arqueoloxía, Antigüidade e Territorio (GEAAT) da Universidade de Vigo volve escavar na cibdá romana de Armea, na parroquia ourensá de Santa Mariña de Augas Santas (Allariz). A campaña arrancou este luns e desenvolverase durante a segunda quincena de xullo e a primeira de agosto coa participación de persoal investigador da UVigo e alumnado en prácticas dunha decena de universidades peninsulares.