DUVI | Nun contexto xeral de aposta crecente pola economía circular, os residuos agroindustriais ou subprodutos están sendo abordados pola ciencia como posible fonte de ingredientes valiosos, susceptibles de ser valorizados seguindo os principios da biorrefinería. Na súa tese de doutoramento, o investigador da Universidade de Vigo Iván Costa demostrou o potencial do ourizo de castaña para a obtención de biomoléculas de alto valor engadido con aplicacións alimentarias.