DUVI | O campus de Ourense acolle este martes o lanzamento de Iberlongeva. Programa Integral Dixitalizado, Baseado en Intelixencia Artificial, para a Promoción do Envellecemento Saudable. Nel, un equipo multidisciplinar das universidades de Vigo, Salamanca e o Instituto Politécnico de Bragança estudará a fraxilidade da poboación de máis de 60 anos na zona transfronteiriza e desenvolverá ferramentas destinadas a fomentar a saúde preventiva e aumentar a esperanza de vida saudable.