No Día Mundial da Ciencia para a Paz e o Desenvolvemento, desde a UCC+i da Universidade de Vigo queremos poñer en valor o traballo desenvolvido polo persoal investigador da institución, de especial relevancia nestes tempos de pandemia. Neste vídeo, investigadores e investigadoras da Universidade de Vigo explican a súa achega contra a Covid-19 a través de sete solucións, demostrando que investir en ciencia impacta positiva e directamente na vida das persoas. Queres descubrilos?