O grupo EPhysLab (Environmental Physics Laboratory), asociado ao Centro de Investigación Mariña, está formado por preto de 30 investigadoras e investigadores que traballan no campo do medio ambiente, en áreas como a auga, o clima e a súa variabilidade, e a enerxía. Todas as súas liñas de investigación teñen como orixe estudar o clima (presente e pasado) e as consecuencias do cambio climático. Analizan como as proxeccións futuras, baixo diferentes escenarios de emisión de gases de efecto invernadoiro, poden afectar ao transporte humidade na atmosfera, aos recursos hídricos, ás enerxías renovables e á biodiversidade do planeta.